విజయవాడ పశ్చిమంలో వైఎస్సార్‌సీపీ సంస్థాగత సమరభేరి..

 విజయవాడ.

 పశ్చిమ నియోజకవర్గంలో మాజీ మంత్రి, నియోజకవర్గ ఇన్‌ఛార్జి వెల్లంపల్లి శ్రీనివాస్ అధ్యక్షతన వైఎస్సార్ కాంగ్రెస్ పార్టీ సంస్థాగత సమీక్షా సమావేశం ఘనంగా జరిగింది. ఈ కార్యక్రమానికి ఎన్టీఆర్ జిల్లా పార్టీ అధ్యక్షుడు దేవినేని అవినాష్ ముఖ్య అతిథిగా హాజరై, పార్టీకి కార్యకర్తలే అసలైన వెన్నెముక అని కొనియాడారు. వైఎస్ జగన్ మోహన్ రెడ్డి నాయకత్వంలో ప్రతి ఒక్కరూ ప్రజల పక్షాన నిలబడి వారి సమస్యలపై నిరంతరం పోరాడాలని ఆయన పిలుపునిచ్చారు. క్షేత్రస్థాయిలో బూత్, డివిజన్ కమిటీలను పటిష్టం చేస్తూ, పార్టీ శ్రేణులంతా సమన్వయంతో పనిచేయాలని సూచించారు. వెల్లంపల్లి శ్రీనివాస్ నేతృత్వంలో పశ్చిమ నియోజకవర్గంలో వైఎస్సార్‌సీపీ మరింత శక్తివంతంగా ఎదుగుతుందని విశ్వాసం వ్యక్తం చేస్తూ, ప్రజలతో నిరంతరం మమేకమై పార్టీని విజయపథంలో నడిపించాలని నేతలకు, శ్రేణులకు దిశానిర్దేశం చేశారు. ఈ సమావేశం స్థానిక క్యాడర్‌లో సరికొత్త ఉత్సాహాన్ని నింపింది.