ఈ సందర్భంగా యాగంటి మల్లికార్జున రావు భక్తిశ్రద్ధలతో స్వామివారిని దర్శించుకుని ప్రత్యేక పూజలు, హారతులు నిర్వహించారు. మాచర్ల నియోజకవర్గ ప్రజలందరిపై విఘ్నేశ్వర స్వామివారి ఆశీస్సులు ఎల్లప్పుడూ ఉండాలని, ప్రతి కుటుంబంలో సుఖశాంతులు, ఆయురారోగ్యాలు, ఆనందం వెల్లివిరియాలని ఆయన ఆకాంక్షించారు.

వినాయక ఉత్సవాలు కేవలం ఆధ్యాత్మిక వేడుకలు మాత్రమే కాదని, ప్రజలను ఒక్కతాటిపైకి తీసుకువచ్చే ఐక్యత, సోదరభావానికి ప్రతీకలని యాగంటి పేర్కొన్నారు. మాచర్లలో భక్తి, సోదరభావం, ఐక్యత మరింత బలపడాలని ఆకాంక్షించారు.

ఈ కార్యక్రమంలో శివ, యాగంటి ప్రతాప్, మాజీ కౌన్సిలర్ మంజుల వెంకటేశ్వర్లు, అల్లం వెంకటేశ్వర్ రెడ్డి, చెన్న, బొట్టు కోటేశ్వరరావు, కృష్ణ, స్వామి, కొండలు, వెంకటేష్, శ్రీను తదితరులతో పాటు వినాయక ఉత్సవ కమిటీ సభ్యులు, స్థానిక నాయకులు, భక్తులు పాల్గొన్నారు.