నూతన వధూవరులను ఆశీర్వదించిన మాజీమంత్రి విడుదల రజని

యడ్లపాడు మండలం బోయపాలెం గ్రామానికి చెందిన వైఎస్సార్ కాంగ్రెస్ పార్టీ కార్యకర్త వంకడావత్ నాగేశ్వరరావు నాయక్ వివాహం ఇటీవల ఘనంగా జరిగింది. ఈ సందర్భంగా మాజీ మంత్రి విడదల రజిని వారి నివాసానికి వెళ్లి నూతన వధూవరులను ప్రత్యేకంగా కలిసి శుభాకాంక్షలు తెలిపారు.

నూతన దంపతులను శాలువాతో సత్కరించి, వారి వైవాహిక జీవితం సుఖసంతోషాలు, ఆయురారోగ్యాలతో సాగాలని మనస్ఫూర్తిగా ఆశీర్వదించారు. పార్టీ కోసం నిరంతరం శ్రమించే కార్యకర్తలకు ఎల్లవేళలా అండగా ఉంటామని ఈ సందర్భంగా ఆమె పేర్కొన్నారు. ఈ కార్యక్రమంలో స్థానిక వైఎస్సార్‌సీపీ నాయకులు, కార్యకర్తలు మరియు కుటుంబ సభ్యులు పాల్గొన్నారు.