స్థానిక సమరానికి వైఎస్సార్‌సీపీ శ్రేణులు సిద్ధం కావాలి

ఆంధ్రప్రదేశ్ లో రానున్న స్థానిక సంస్థల ఎన్నికలను దృష్టిలో ఉంచుకుని నియోజకవర్గ పరిధిలోని 48 వార్డుల్లో నాయకులు, కార్యకర్తలు సమష్టిగా సమరానికి సిద్ధం కావాలని మాజీ మంత్రి విడదల రజిని పిలుపునిచ్చారు. చిలకలూరిపేట పట్టణంలో నిర్వహించిన వైఎస్సార్ కాంగ్రెస్ పార్టీ విస్తృత స్థాయి సమావేశంలో ఆమె పాల్గొని పార్టీ శ్రేణులకు దిశానిర్దేశం చేశారు. పార్టీ ఐక్యత, సంస్థాగత బలోపేతానికి ప్రతి ఒక్కరూ బాధ్యతగా కృషి చేయాలని సూచించారు.

​నాయకులు, కార్యకర్తలు ప్రతి వార్డులోనూ ప్రజల వద్దకు వెళ్లి సమస్యలను ప్రత్యక్షంగా తెలుసుకుంటూ వారి పక్షాన నిలవాలని కోరారు. గణపవరం, పసుమర్రు, మానుకొండవారిపాలెం గ్రామాల విలీనం వెనుక ఆయా ప్రాంతాల సమగ్ర అభివృద్ధి లక్ష్యం మాత్రమే ఉందని ఆమె స్పష్టం చేశారు. 

గతంలో ప్రజలకు చేసిన సంక్షేమ, అభివృద్ధి పనులే తమకు బలమని, ప్రజల నమ్మకమే పార్టీకి ప్రధాన శక్తి అని పేర్కొన్నారు. కష్టకాలంలో పార్టీకి వెన్నంటి నిలుస్తున్న ప్రతి కార్యకర్త సేవలను ఎప్పటికీ మరువబోనని చెబుతూ, ప్రజా సమస్యల పరిష్కారం కోసం క్షేత్రస్థాయిలో నిరంతరం పోరాటం కొనసాగిస్తామని మాజీ మత్రి రజిని స్పష్టం చేశారు.