వాసవి యూత్ ఆధ్వర్యంలో తహశీల్దార్ వర కుమార్‌కు

దుర్గిలోని స్థానిక వాసవి కళ్యాణ మండపంలో వాసవి యూత్ ఆధ్వర్యంలో గత 13 సంవత్సరాలుగా వినాయక చవితి నవరాత్రి వేడుకలు అత్యంత వైభవంగా కొనసాగుతున్నాయి.

ఈ ఉత్సవాలను పురస్కరించుకుని దుర్గి మండల తహశీల్దార్ వర కుమార్‌ను నిర్వాహకులు

ముఖ్య అతిథిగా సాదరంగా ఆహ్వానించారు.

ఈ సందర్భంగా ఆయనకు శాలువా కప్పి, వినాయకుడి ప్రతిమను బహూకరించి వాసవి యూత్ ప్రతినిధులు ఘనంగా సత్కరించారు. అనంతరం తహశీల్దార్ మాట్లాడుతూ, పదేళ్లకు పైగా ఎంతో భక్తిశ్రద్ధలతో, నిరంతరాయంగా ఈ ఉత్సవాలను విజయవంతంగా నిర్వహిస్తున్న నిర్వాహకుల కృషిని కొనియాడారు. ఇలాంటి ఆధ్యాత్మిక, సేవా కార్యక్రమాలు సమాజంలో ఐక్యతను పెంపొందిస్తాయని ఆయన ప్రశంసించారు. ఈ కార్యక్రమంలో వాసవి యూత్ సభ్యులు కపిలవాయి శ్రీనివాసరావు (టెంపర్), ఓబుల శెట్టి లక్ష్మీనారాయణ, దేవరశెట్టి రామారావు, కాసుల మురళి, చిన్ని రామకృష్ణ, శ్రీనివాసరావుతో పాటు ఇతర సభ్యులు, భక్తులు పెద్ద సంఖ్యలో పాల్గొన్నారు.