హెచ్‌ఐవీపై అవగాహనకు వీధి నాటకాల ప్రదర్శన

ఆంధ్రప్రదేశ్ రాష్ట్ర ఎయిడ్స్ నియంత్రణ సంస్థ ఆదేశముల మేరకు జిల్లా ఎయిడ్స్ నివారణ మరియు నియంత్రణ సంస్థ పల్నాడు జిల్లా వారి సహకారం తో స్థానిక క్యాంపు స్వచ్చంద సేవా సంస్థ ఆధ్వర్యంలో 04 వ తారీకు ఉదయం 9:00 గంటలకు మార్కెట్ సెంటర్ నందు మిరియాల శ్రీనివాస్ రావు కళాజాత బృందాలతో వీధినాటకముల ద్వారా హెచ్ ఐ వి/ఎయిడ్స్ పై అవగాహనా కార్యక్రమాలు నిర్వహించడం జరిగింది.

ఈ వీధి నాటకములు ద్వారా హెచ్ ఐ వి/ఎయిడ్స్ వ్యాధి ఎలా వస్తుంది, ఎలా వ్యాపించదు, హెచ్ ఐ వి/ఎయిడ్స్ రాకుండా ఎటువంటి జాగ్రత్తలు తీసుకోవాలి, హెచ్ ఐ వి/ఎయిడ్స్ వ్యాధిగ్రస్తుల పట్ల వివక్షత చిన్న చూపు లేకుండా ఎలాగా సమాజంలో కలిసి జీవించాలి, హెచ్ ఐ వి/ఎయిడ్స్ క్షయ వ్యాధి సంబంధం గురించి, సుఖవ్యాధులు మరియు చికిత్స గురించి, కండోమ్ యొక్క ఉపయోగం గురించి, హెచ్ ఐ వి/ఎయిడ్స్ ఆక్ట్ 2017 గురించి ప్రజలలో అవగాహనా కల్పించారు.సి హెచ్ సి సెంటర్ ఐ సి టి సి కౌన్సిలర్ హనుమంత్ రావు మరియు క్యాంపు స్వచ్చంద సేవా సంస్థ ప్రాజెక్ట్ మేనేజర్ కొండా పవన్ కళ్యాణ్ మరియు ఎమ్ ఇ ఎ వి. శివ క్యాంపు ఆఫీస్ స్టాఫ్ పాల్గొన్నారు.