తేరాల గ్రామంలో ఎస్సై పల్లెనిద్ర<div><br></div><div><br></div>

అనంతరం గ్రామస్తులనుద్దేశించి ఎస్సై మాట్లాడుతూ, గ్రామంలో అందరూ సోదరభావంతో మెలగాలని, శాంతిభద్రతలకు విఘాతం కలిగించేలా ఎవరూ ప్రవర్తించరాదని హితవు పలికారు. చిన్నపాటి వివాదాలు ఉంటే సామరస్యంగా పరిష్కరించుకోవాలని, లేనిపక్షంలో పోలీసులను ఆశ్రయించాలి తప్ప గొడవలు పడి కేసులతో భవిష్యత్తును నాశనం చేసుకోవద్దని హెచ్చరించారు. నేర చరిత్ర నమోదైతే ఆ ప్రభావం పిల్లల భవిష్యత్తుపై తీవ్రంగా పడుతుందని గుర్తుచేశారు.

అలాగే సైబర్ నేరాలు, బ్యాంకింగ్ మోసాలపై ప్రజలు అప్రమత్తంగా ఉండాలని సూచిస్తూ, వ్యక్తిగత వివరాలను ఇతరులతో పంచుకోవద్దని తెలిపారు. సైబర్ మోసానికి గురైతే తక్షణమే '1930' టోల్‌ఫ్రీ నంబర్‌ను సంప్రదించాలని స్పష్టం చేశారు. మహిళలపై జరిగే నేరాలు, బాల్యవివాహాలు, దొంగతనాల నివారణపై అవగాహన కల్పిస్తూ, సమాజ రక్షణలో ప్రతి ఒక్కరూ బాధ్యతాయుతంగా వ్యవహరించాలని పిలుపునిచ్చారు. ఈ కార్యక్రమంలో గ్రామస్తులు, స్థానిక నాయకులు, పోలీస్ సిబ్బంది పాల్గొన్నారు.