శ్రీ నిదానంపాటి లక్ష్మీ అమ్మవారి హుండీ ఆదాయం రూ.60.50 లక్షలు

దుర్గి.

సెప్టెంబర్ 17
రాజధాని వాయిస్ :

​శ్రీ నిదానంపాటి శ్రీలక్ష్మీ అమ్మవారి దేవస్థానంలో భక్తులు సమర్పించిన కానుకలు, ముడుపుల హుండీ లెక్కింపు కార్యక్రమం గురువారం నిర్వహించారు. దేవాలయ వ్యవస్థాపక ధర్మకర్త యాగంటి వెంకటేశ్వర్లు, కోటప్పకొండ కార్యనిర్వహణాధికారి చంద్రశేఖర్ పర్యవేక్షణలో దేవస్థాన సిబ్బంది, భక్తులు కలిసి ఈ లెక్కింపును పూర్తి చేశారు. గత 84 రోజులకు గాను అమ్మవారి హుండీ ద్వారా మొత్తం రూ. 60,50,416/- (అరవై లక్షల యాభై వేల నాలుగు వందల పదహారు రూపాయలు) ఆదాయం లభించినట్లు ఆలయ సహాయ కమిషనర్, కార్యనిర్వహణాధికారి కాకర్ల ఆదిశేష నాయుడు మీడియాకు వెల్లడించారు. భక్తులు సమర్పించిన కానుకల లెక్కింపు ప్రక్రియ పారదర్శకంగా, పటిష్టమైన నిఘా నడుమ సాగిందని తెలిపారు.