50 ఏళ్లు నిండిన నేతన్నలందరికీ పెన్షన్లు

పెనుగొండ. 

సెప్టెంబర్ 19 

రాజధాని వాయిస్ :

రాష్ట్రంలో 50 ఏళ్లు నిండిన అర్హులైన చేనేతలందరికీ పారదర్శకంగా ఎన్టీఆర్ భరోసా పెన్షన్లు అందిస్తామని చేనేత, జౌళి శాఖ మంత్రి ఎస్. సవిత స్పష్టం చేశారు. పెనుకొండ క్యాంపు కార్యాలయం నుంచి శనివారం నిర్వహించిన వీడియో కాన్ఫరెన్స్‌లో ఆమె మాట్లాడుతూ, కొత్తగా అందిన 16,521 దరఖాస్తులను అధికారులు క్షేత్రస్థాయిలో పరిశీలిస్తున్నారని, ఇప్పటికే 84 వేల మందికి పైగా లబ్ధి పొందుతున్నారని తెలిపారు. అర్హత ఉన్న ప్రతి ఒక్కరికీ ప్రభుత్వమే నేరుగా పింఛన్ మంజూరు చేస్తుందని, దరఖాస్తుల కోసం ఎవరికీ ఒక్క రూపాయి కూడా ఇవ్వాల్సిన అవసరం లేదని ఆమె స్పష్టం చేశారు.

ఇదే సమయంలో శ్రీసత్యసాయి జిల్లాలో దరఖాస్తుల పరిశీలన పేరుతో అక్రమ వసూళ్లకు పాల్పడుతున్నట్లు ఆరోపణలు రావడంతో, డీవో రమణారెడ్డి, ఏడీవో శీనా నాయక్‌లను తక్షణమే సస్పెండ్ చేయాలని మంత్రి ఆదేశించగా, కమిషనర్ రేఖారాణి వారిని సస్పెండ్ చేస్తూ అధికారిక ఉత్తర్వులు జారీ చేశారు. ప్రభుత్వ పథకాల అమలులో అవినీతి ఆరోపణలు వస్తే ఉపేక్షించేది లేదని ఈ సందర్భంగా మంత్రి సవిత హెచ్చరించారు.