ఆరాచకం వద్దు.. అభివృద్ధే ముద్దు..!

రెంటచింతల:

అరాచకం వద్దు.., అభివృద్దే ముద్దు అని నరసరావుపేట ఎంపీ లావు శ్రీకృష్ణదేవరాయలు, మాచర్ల శాసన సభ్యులు జూలకంటి బ్రహ్మానందరెడ్డి పిలుపునిచ్చారు. మంగళవారం రెంటాల గ్రామంలో టీడీపీ శ్రేణులు ఏర్పాటు చేసిన స్వర్గీయ నందమూరి తారక రామారావు నూతన విగ్రహాన్ని ఎంపీ, ఎమ్మెల్యే ఆవిష్కరించారు. అనంతరం గ్రామంలో నెలకొన్న రాజకీయ పరిస్థితులపై ఈ సందర్భంగా వారు మాట్లాడుతూ.. ఫ్యాక్షన్ ను వీడి, ఉద్యోగ, ఉపాధి అవకాశాలపై యువత దృష్టి సారించాలని కోరారు. గొడవలకు దిగితే, కుటుంబాలున రోడ్డు పాలు అవుతాయని హితువు పలికారు. విగ్రహాలు పెట్టడంతోపాటు మహనీయుల ఆదర్శాలను స్ఫూర్తిగా తీసుకోవాలని సూచించారు. ఈ కార్యక్రమంలో మండల పార్టీ అధ్యక్షులు చపారపు అబ్బిరెడ్డి, గొంటు సుమంత్ రెడ్డి, మున్నా ప్రభు రాజు,మందలపు హనిమిరెడ్డి, రామకృష్ణ, పేరం సీతమ్మ, పేరం సర్వారెడ్డి,శేర్రెడ్డి ప్రదీప్ రెడ్డి, గొంటు మల్లేశ్వర రెడ్డి తదితరులు పాల్గొన్నారు.