పీజీటీ టీచింగ్ ఉద్యోగాలకు దరఖాస్తు చేసుకోండి..!

వెల్దుర్తి: సెప్టెంబర్ 09 రాజధాని వాయిస్ :

మండల కేంద్రంలోని జిల్లా పరిషత్ హైస్కూల్ నందు నూతనంగా ప్రారంభించిన మహాత్మ జ్యోతిబాపూలే ఏపీ బీసీ సంక్షేమ బాలికల గురుకుల పాఠశాలలో పీజీటీ బోధన ఉద్యోగాలకు అర్హులైన అభ్యర్ధులు దరఖాస్తు చేసుకోవాలని జిల్లా కన్వీనర్ పరమేశ్వరరావు, పాఠశాల ప్రిన్సిపల్ రమాదేవి బుధవారం ఓ ప్రకటనలో తెలిపారు. ఈ నెల 15వ తేదీ లోపు అభ్యర్ధులు దరఖాస్తు చేసుకోవాలని వారు సూచించారు. డెమో క్లాసులు నిర్వహించి, ఇంటర్వ్యూ, సర్టిఫికేట్ వెరిఫికేషన్ ద్వారా అభ్యర్థుల తుది ఎంపిక ఉంటుందని పేర్కొన్నారు.

తెలుగు,హిందీ,ఇంగ్లీష్,మాక్స్, సైన్స్ (ఫిజికల్ & బయాలజీ), సోషల్ వంటి సబ్జెక్ట్స్ బోధనకు అభ్యర్థులు తప్పనిసరిగా బీఈడీ తోపాటు పీజీ పూర్తి చేసి ఉండాలని వెల్లడించారు. బాలికల గురుకుల పాఠశాల కావున మహిళా అభ్యర్ధులకు ప్రాధాన్యత ఇవ్వబడునని చెప్పారు. అభ్యర్థులు తమ అప్లికేషన్లను స్వయంగా స్ధానిక జిల్లా పరిషత్ హై స్కూల్ ప్రాంగణంలో ఉన్న మహాత్మ జ్యోతిబాపూలే బీసీ బాలికల గురుకుల పాఠశాల కార్యాలయంలో అందజేయవల్సింది కోరారు. మరిన్నీ వివరాలకు సెల్ నెంబర్లు: 91822 05634, 83175 96367 లకు సంప్రదించవల్సిందిగా వెల్లడించారు.