అమరావతి. సెప్టెంబర్ 05
సాహిత్యం ప్రత్యేకం
తెలుగు సాహిత్య చరిత్రలో వినుకొండకు విశిష్ట స్థానం ఉంది. ప్రాచీన కాలం నుండి ఆధునిక కాలం వరకు ఎందరో ప్రముఖ కవులు, రచయితలు ఈ వినుకొండ సీమలో జన్మించి, తెలుగు భాషాను సుసంపన్నం చేశారు. విశిష్ట స్థానాన్ని పొందిన కొందరు కవులు ఇప్పటికీ కీర్తించబడుతున్నారు. ఒకనాడు ఉన్నత స్థానాన్ని పొంది ప్రస్తుతం మరుగునపడిన సాహిత్యకారులు ఉన్నారు. వారి సాహితీ వారసత్వాన్ని పునికి పుచ్చుకొని ప్రస్తుతం సాహిత్య సేద్యం చేస్తున్న వాళ్లు ఉన్నారు. వారందరి సాహిత్య ప్రస్థానాన్ని గ్రంథస్తం చేసి *వినుకొండ సీమ సాహిత్య చరిత్ర* పేరుతో కె. జె రమేష్ తెలుగు సాహితీ ప్రియులకు అందించారు.
సాహిత్య చరిత్ర రచన ఆవశ్యకత
గతాన్ని క్రమబద్ధంగా, ఆధారాలతో నిరూపిస్తూ లిఖిత బద్దం చేయుటయే చరిత్ర. చరిత్రను నిర్మించడానికి, పునర్నిర్మాణానికి మరియు ఒక కాలం నాటి పరిస్థితులను అర్థం చేసుకోవడానికి లిఖితపూర్వక లేదా సాహిత్య ఆధారాలు ముఖ్యమైనవి. అలాగే సాహిత్యకారుల సాహిత్యానికి సంబంధించిన విశేషాలు తెలుసుకోవాలంటే సాహిత్య చరిత్ర రచన ఆవశ్యకత ఎంతైనా ఉంది. కాలానుగుణంగా ఎందరో కవులు, రచయితలు సాహిత్య సృష్టి చేసినప్పటికీ వారి సాహిత్యంలో నాటి సామాజిక, ఆర్థిక, ప్రాంతీయ, రాజకీయ తదితర విశేషాలు ప్రతిబింబిస్తాయి. కాబట్టి సాహిత్య చరిత్ర రచన ఆవశ్యకత ఎంతైనా ఉందని చెప్పవచ్చు.
తెలుగు సాహిత్య చరిత్ర రచన ఆవిర్భావo వికాసాలు
ప్రాంతీయ సాహిత్య చరిత్రల ప్రస్థానం
వినుకొండ సీమ సాహిత్య చరిత్ర
వినుకొండ విశిష్టత
కవుల విభజన
కొందరు సాహితీకారులు సాహిత్య చరిత్ర విభజనను కవులు జీవించిన కాల క్రమాన్ని బట్టి గాని, వారు రచించిన ప్రక్రియను బట్టి గాని విభజించగా దీనికి విభిన్నంగా కొర్రపాటివారు వినుకొండ సీమ పూర్వకవులు, పద్యానికి పట్టం కట్టిన కవులు, శాసన సభ్యులుగా ఎన్నికైన కవులు, కేంద్ర సాహిత్య అకాడమీ పురస్కారం పొందిన కవులు, కథ, నవల, వ్యాస రచనల ద్వారా ప్రసిద్ధులైన కవులు, ప్రసిద్ధ వ్యక్తుల జీవితాలను గురించిన కవులు, వచన కవిత్వం, నూతన ప్రక్రియల ద్వారా ప్రసిద్ధులైన కవులు, పాట, గేయం మరియు బంధుత్వాలు గురించి రాసిన కవులు, బుర్రకథ ద్వారా ప్రసిద్ధులైన కవులు, భక్తి కవిత్వం ద్వారా ప్రసిద్ధులైన కవులు, నాటక రంగంలో ప్రసిద్ధి చెందిన వారు, సినిమా రంగ రచయితలు గా వినుకొండ సీమ కవులను విభజించి వారి సాహిత్య చరిత్రను లిఖించారు.
పూర్వ కవులు
*పూర్వకవులైన* రావిపాటి త్రిపురాంతకుని సాహిత్య జీవితాన్ని ప్రస్తావిస్తూ, వీరు శివభక్తులని మరియు 14వ శతాబ్దానికి చెందిన వారని మరియు ఉదాహరణ కావ్యాలను రచించిన విషయాన్ని, క్రీడాభిరామం రచయిత వినుకొండ వల్లభ రాయుని పుట్టుపూర్వోత్తరాలను మరియు అతని వంశ వృక్షం గురించి విపులంగా వివరించుటే గాక, అహోబల పండితుని గురించి చారిత్రక ఆధారాలతో గ్రంథకర్త చక్కగా వివరించారు. శుద్ధ గ్రాంథిక వాదాన్ని సమర్ధిస్తూ గిడుగు వారి వ్యవహారిక భాష ఉద్యమాన్ని వ్యతిరేకించిన కొక్కొండ వెంకటరత్నం పంతులు వినుకొండ ప్రాంతవాసుల అన్న విషయాన్ని ప్రస్ఫుటంగా తెలియపరచుటే కాకుండా, బ్రిటిష్ ప్రభుత్వం సంస్కృత పండితులకు ప్రదానం చేసే మహా మహోపాధ్యాయ బిరుదు వీరు అందుకున్న విషయాన్ని స్పష్టం చేశారు.
పద్యానికి పట్టం కట్టిన కవులు
పద్యానికి పట్టం కట్టిన కవులను గురించి ఏక సమాసంతో పద్యాన్ని రాయగలిగిన బీర్నీడి మోషే కవి మరియు వారి వంశవృత్తాంతాన్ని చక్కగా వివరించారు. గుర్రం జాషువా సహధ్యాయి, వ్యాఖ్యానాలు మరియు విమర్శలు రచించుటలో సిద్ధహస్తులైన దీపాల పిచ్చయ్య శాస్త్రి సాహిత్య ప్రస్థానాన్ని వివరిస్తూ, వీణ వాయించుటలో వీరు నేర్పరి అనే విషయాన్ని, కవులు మరియు పండితుల రచనలలో తప్పులను ఎత్తిచూపి విమర్శక గ్రేసర అను బిరుదును పొందిన విషయాన్ని, కుల, మతాలకతీతంగా మహాకవి గుర్రం జాషువాతో చెలిమి చేసినట్లు, నెల్లూరుకు చెందిన రెడ్లు వీరిని ఆదరించిన విషయాన్ని, భగవాన్ సత్యసాయి బాబాకు వీరు సన్నిహితులని గ్రంథకర్త తెలియజేశారు. వేమన గురించిన విశేషాలను వివరణాత్మకంగా గ్రంథస్తం చేసి మరుగున పడిన ఫరీద్ కవి గురించి సాహిత్య లోకానికి తిరిగి అందించారు. గద్దల జోసఫ్ సాహిత్య ప్రస్థానాన్ని తెలియపరుస్తూ, థామస్ మన్రో అంటరాని వారి విద్య కొరకు ప్రత్యేక బోర్డును ఏర్పరచినట్లు సందర్భానుసారంగా తెలియపరిచారు. బీర్నీడి మోషే కవి కుమారునిగా, ఆయన సాహిత్య వారసత్వాన్ని నిలబెట్టిన ప్రసన్న కవి సాహిత్య ప్రస్థానాన్ని తెలుపుతూ ఆయన తల్లి మరణ నేపథ్యాన్ని పురస్కరించుకొని మధుమాసం రచించినట్లు తెలియజేశారు గ్రంథకర్త. పోలూరి ఆంజనేయ ప్రసాద్ గురించి తెలియజేస్తూ నయాగర కవులలో ఒకరైన కుందుర్తి ఆంజనేయులు వీరి మేనమామ అని, వీరిద్దరూ కలిసి జంట కవిత్వం రాశారని, పోతన గురించి రచించినట్లు కొర్రపాటి వారు ఈ గ్రంథంలో పోలూరి వారిని గురించి తెలియపరిచారు. తాటిపర్తి శామ్యూల్ కవి సాహిత్య ప్రస్థానాన్ని తెలియజేస్తూ అర్ధాంతరంగా మధ్యలో చదువును ఆపేసిన వారికి చదువు చెప్పించి, వారు నడిపిన పాఠశాలలో ఉద్యోగాన్ని ఇచ్చినట్లు గ్రంథకర్త తెలియజేశారు. రెండు కావ్యాలు రచించి, భౌతిక జీవితకాలం మూడు పదులే అయినప్పటికీ, సాహిత్య లోకంలో చిరంజీవిగా నిలచారని, తన తండ్రి వారసత్వాన్ని నిలబెట్టారని బీర్నీడి విజయదత్తు సాహిత్య సేవను గ్రంథకర్త కొనియాడారు. భక్త రామదాసుగా కీర్తి పొందిన కంచర్ల గోపన్న 9వ తరం వారైన కంచర్ల పాండురంగ శర్మ గారి సాహిత్య ప్రస్థానాన్ని, యల్ల కరి తిరువెంగళ సూరి గురించి తెలియజేశారు. వృత్తిరీత్యా రక్షక భటులు అయినప్పటికీ తాత మరియు తండ్రి సాహిత్య వారసత్వాన్ని నిలబెట్టిన దుబ్బల దాసు కవి సాహిత్య జీవితాన్ని చక్కగా ఆవిష్కరించారు గ్రంథ రచయిత.
శాసన సభ్యులుగా ఎన్నికైన కవులు
కమ్యూనిజాన్ని మరియు అభ్యుదయ సాహిత్యాన్ని ముందుకు తీసుకు వెళుతూ, శాసనసభ సభ్యునిగా నిస్వార్ధమైన రాజకీయ నాయకునిగా ప్రజల మనసులో ముద్ర వేసుకొని " పలనాడు వెలలేని మాగాణి రా" అని పలనాటి సీమను కొనియాడి, సాహిత్య సేద్యం చేసిన పులుపుల శివయ్య గురించి, న్యాయవిద్యనభ్యసించి అభ్యుదయవాదాన్ని భుజానికి ఎత్తుకొని, తెలంగాణ సాయుధ పోరాటాన్ని ఎర్రజెండాలుగా మలచినట్టి గంగినేని వెంకటేశ్వర్లు సాహిత్య సేవను చక్కగా పొందుపరిచారు రచయిత రమేష్.
కేంద్ర సాహిత్య అకాడమీ పురస్కారం పొందిన కవులు
అంటరానితనం మరియు కుల వివక్షతలను ఎదుర్కొని సామాజిక అసమానతలపై పోరాటం చేసి, అనేక రచనలు చేసి, శాసనమండలి సభ్యునిగా, కళా ప్రపూర్ణునిగా కేంద్ర సాహిత్య అకాడమీ పురస్కారం పొందిన, విశ్వకవి సమ్రాట్ గుర్రం జాషువా సాహిత్య సేద్యం గురించి, అరసానికి అండగా నిలిచి, అందరూ రాసేవాళ్లే అయితే రాసేవాళ్లను మోసేవాళ్లు ఎవరు అని, సాహిత్య రచన చేసేవారి భారాన్ని మోస్తూ, కాల ప్రవాహంలో కరిగిపోయే ఎన్నో విషయాలను గుంటూరు సీమ సాహిత్య చరిత్రగా రచించి కేంద్ర సాహిత్య అకాడమీ పురస్కారాన్ని పొందిన పెనుగొండ లక్ష్మీనారాయణ గురించి చక్కగా వివరించారు గ్రంథకర్త రమేష్.
కథ, నవల మరియు వ్యాసం ద్వారా ప్రసిద్ధులైన కవులు
ప్రసిద్ధ వ్యక్తుల జీవితాలు గురించి రాసిన కవులు
శ్రీకృష్ణుడు, ఏసు క్రీస్తు, గుర్రం జాషువాల జననం లోని సారూప్యతలను మరియు జాషువా జీవితాన్ని *జాషువా తపస్సు* అను గ్రంథంగా మలచిన అమృతపుడి రాజారావు సాహిత్య సాంస్కృతిక సేవను వివరించారు రచయిత. గద్దల జోసఫ్ కవి కుమార్తె కొడుకు తెలగలపూడి జాన్ ప్రసాద్ గురించి జాషువా మరియు అంబేద్కర్ జీవితాలను గురించి వారు రాసిన గ్రంథాలను ఉటంకించారు. సత్తెనపల్లి తాలూకా గ్రామ నామాలను చక్కగా వివరించిన వంకాయలపాటి రామకృష్ణ కవి గురించి, కులతత్వం మరియు అంటరానితనాన్ని ఎదుర్కొని రాజకీయంగా ఎదిగి చట్టసభల్లో ఉన్నత స్థితిలో నిలచిన దళితులను గురించి రచించిన సంకూరి రాజారావు వ్యక్తిగత, సాహిత్య జీవితాలను చక్కగా ఆవిష్కరించారు గ్రంథకర్త.
వచన కవిత్వం, వివిధ ప్రక్రియల ద్వారా ప్రసిద్ధులైన కవులు
ఎంత ఎత్తుగా ఎదిగిన మనిషి మంచితనంలో మరగుజ్జయిపోయాడని మనిషి తత్వాన్ని ప్రబోధించిన కొర్రపాటి జేమ్స్ రమేష్ తన గురించి, తన తండ్రి ఇచ్చిన ప్రేరణ గురించి మరియు తన సాహిత్య ప్రస్థానాన్ని ప్రస్తావించారు. అభ్యుదయ కవిత్వంతో సహవాసం చేసి, ముస్లిం మైనారిటీ కవిత్వాన్ని, అబాబీల ప్రక్రియను తెలుగు సాహిత్య లోకానికి అందించిన కవి కరిముల్లా గురించి గ్రంథకర్త చక్కగా వివరించారు.
పాట, గేయం మరియు బంధుత్వాలు గురించి రాసిన కవులు
భక్తి కవిత్వం రాసిన కవులు
జీవితంలో తాను ఎదుర్కొన్న ఆటుపోట్లను, తాత్వికచింతనతో శ్రీ రామ రామ శతకం రచించిన బోడేపూడి వెంకటసుబ్బయ్య గురించి, పోలూరి సత్యనారాయణ గురించి, జాషువా శిష్యరికంలో భక్తపాల శతకాన్ని రచించిన పసుపులేటి ఆంధ్రీకవి గురించి, యేసు ప్రదీపిక పద్య గ్రంధాన్ని రచించిన పందుల జాషువా గురించి, రమణ మహర్షి తత్వాన్ని బాలప్రియ అను పేరుతో వ్యాఖ్యానం రాసిన పోలూరి హనుమ జానకి రామ శర్మ గురించి, వేదాలను సులభరీతిలో అందించిన భాస్కరుని మల్లికార్జున రావు గురించి, ఖగరాజు పేరుతో హితోక్తి అందించిన గద్దల శామ్యూల్ గురించి, పసుపులేటి జేసురత్నం గురించి, గాయత్రీ మంత్రాన్ని శతకంగా మలచిన దిట్టకవి శ్రీనివాసాచార్య, కడు భక్తి భావంతో సాయినాథ శతకాన్ని రచించిన ఉమాకాంత ప్రసాద్ వంటి భక్తి కవుల సాహిత్య ప్రస్థానాన్ని కూలంకషంగా తెలియజేశారు కొర్రపాటివారు.
నాటక రంగంలో ప్రసిద్ధులైన కవులు
ముగింపు
వృత్తిరీత్యా జీవశాస్త్ర ఉపాధ్యాయునిగా ఉద్యోగం చేసి, ఉత్తమ ఉపాధ్యాయునిగా ఉమ్మడి ఆంధ్రప్రదేశ్ ప్రభుత్వం నుండి అవార్డు పొంది, వర్తమాన లిపి, భ్రమల్ని మోసుకుంటూ, వినుకొండ నుండి విశ్వనరుడు, నానీలు వంటి వచన కవిత్వ, నూతన ప్రక్రియలలో రచనలు చేసి, వృక్షమిత్ర, పీవీ నరసింహారావు జాతీయ సాహిత్య పురస్కారం మరియు పలు సాహితీ సంస్థల నుండి జాషువా పురస్కారం అందుకొని పరిశోధనాత్మకంగా వినుకొండ సీమ సాహిత్య చరిత్ర రచించడం గొప్ప ప్రయత్నంగా చెప్పవచ్చు. ఒక అంశం పై ఏ ఇద్దరి కవులకు ఏకాభిప్రాయం లేని ఈ రోజుల్లో ఒక ప్రాంత కవుల సాహిత్య కృషిని గ్రంధస్థo చేయడాని కి నడుము కట్టి, పూర్వకవులను గురించి గ్రంథాలయాలలో సేకరిస్తూ, పరమపదించిన సాహితీకారులను గురించి వారి కుటుంబీకులను మరియు అనుభవజ్ఞులైన సాహితీకారులను కలసి, ఆధునిక మరియు వర్ధమాన కవులను కలసి వారి వారి సాహిత్య సమాచారాన్ని సేకరించి గ్రంథస్తం చేయడంలో సఫలీకృతులయ్యారు కొర్రపాటివారు.70 మందికి పైగా సాహితీకారుల సాహిత్యo మరియు వారి జీవితం వినుకొండ సీమ సాహిత్య చరిత్రగా రూపొందిన ఈ పరిశోధనాత్మక గ్రంథం విశ్వవిద్యాలయాలలో తెలుగు ఎం ఏ అభ్యసించే విద్యార్థులకు రిఫరెన్స్ గా పెట్టుటకు పరిశీలించవచ్చునని, పొరపాటున గ్రంథస్తం చేయలేకపోయినా వినుకొండ ప్రాంత కవులను మరొక ముద్రణలో చేర్చగలనని తెలియజేసిన గ్రంథకర్త కొర్రపాటి వారికి సహకరించాలని, విశిష్టమైన వినుకొండ సీమ సాహిత్య చరిత్రను సాహిత్య ప్రియులు మరింత ఆదరించాలని, కొర్రపాటి వారి కలం నుండి మరింత విలువైన సాహిత్యం జాలువారాలని కోరుకుంటూ...
Be the first to share your thoughts on this story!